Solicitude de altas esporádicas de anuncios para usuarios non rexistrados

Este formulario permite aos usuarios non rexistrados realizar a alta dun anuncio no Boletín Oficial da Provincia da Coruña.

O uso deste módulo é excepcional, mentres o anunciante aínda non está rexistrado na Oficina Virtual do Boletín, e limitado á remisión de 4 anuncios ao ano. En caso de superar os catro anuncios, debe rexistrarse para usar o Acceso a anunciantes.

(Normas de xestión do BOP da Coruña, aprobadas por Resolución da Presidencia número 33.609, do 29 de outubro de 2020, BOP número 184, de 2 de novembro de 2020. Capítulo III: PRESENTACIÓN DE ANUNCIOS).

Para calquera dúbida ou aclaración, non dubide en contactar connosco no enderezo bop@dacoruna.gal ou chamando aos teléfonos 981415025 - 981415023.

Para acceder ao formulario é necesario seleccionar a administración anunciante e confirmar a autorización de sinatura e inserción, dispoñer dun certificado dixital, consentir o tratamento dos seus datos personais e presionar "Acceder ao formulario".

Os datos serán tratados pola Deputación da Coruña con dirección en Avenida Porto da Coruña, 2, 15003 A Coruña, para xestionar a solicitude de altas esporádicas de anuncios para persoas usuarias non rexistradas do Boletín Oficial da Provincia da Coruña.
A lexitimación para o tratamento dos datos persoais baséase no cumprimento dunha obrigación legal aplicable ao responsable do tratamento e os datos poderán ser comunicados ás Administracións Públicas no exercicio das súas competencias, cando sexa necesario para a tramitación e resolución dos seus procedementos ou por obrigación legal.
A Deputación conservará os datos durante o tempo que sexa necesario para cumprir coa finalidade para a que se solicitaron e para determinar as posibles responsabilidades que se poidan derivar da finalidade exposta e do tratamento dos datos. Será de aplicación o disposto na normativa de arquivos e documentación.
As personas interesadas poden exercer os dereitos de acceso, rectificación, supresión, oposición, limitación ao tratamento e portabilidade dos datos a través da sede electrónica da Deputación da Coruña ou presencialmente nos lugares e rexistros establecidos na normativa reguladora do procedemento administrativo común. Se consideran que o presente tratamento incumpre o establecido no RXPD poden presentar unha reclamación ante a AEPD.
Para calquera outra dúbida relacionada coa protección de datos as persoas interesadas poden dirixir un correo a delegadodeprotecciondedatos@dacoruna.gal