Non podo ver o xustificante electrónico, que teño que facer?

Revise a configuración do seu navegador e elimine o bloqueo de fiestras emerxentes.

Como podo darme de alta na ZONA DE ANUNCIANTES?

Para rexistrarse como anunciante deberá solicitar a alta no sistema a través do formulario que atoparán no apartado NORMATIVA. No momento en que se lle comunique que a súa solicitude foi aceptada, xa poderá facer uso da aplicación para poder enviar anuncios ao BOP. Para coñecer o funcionamento do sistema, visite o apartado de CÓMO PUBLICAR.

Como podo gardar un documento LOTUS WORDPRO nun formato válido para incorporar ao eBOP?

Utilizando a opción "gardar como" e seleccionando o tipo de arquivo Formato de texto enriquecido (*.RTF).

Quen pode rexistrarse como subscritor no BOP?

Calquera persoa que desexe recibir avisos de publicación de anuncios dun ou varios anunciantes. A subscrición é gratuíta pero require dun proceso de alta no apartado SUBSCRICIÓNS AO BOP.

Como podo rexistrarme como subscritor?

Para rexistrarse como subscritor deberá acceder a través do apartado SUBSCRICIÓNS AO BOP. Na pantalla de rexistro introducirase o enderezo de correo e o sistema enviaralle un contrasinal e un enlace a unha páxina onde poderá finalizar o proceso de subscrición. Posteriormente, poderá acceder ao sistema para seleccionar ou dar de baixa os anunciantes aos que desexe subscribirse.

Quen pode rexistrarse como anunciante no BOP?

Poderán rexistrarse como anunciantes no BOP aquelas persoas ou órganos que pretendan publicar no BOP; para iso deberán solicitar a alta no sistema a través do formulario que atoparán no apartado NORMATIVA.

Quen poderá enviar anuncios?

Poderá enviar anuncios ao BOP calquera das persoas habilitadas para iso polo organismo anunciante, utilizando o formulario de alta que atoparán no apartado NORMATIVA.

Como se pode modificar a lista de persoas facultadas para tramitar/consulta/asinar anuncios no BOP?

Sempre utilizando o formulario que atoparán no apartado NORMATIVA e contactando coa Administración do BOP (apartado CONTACTO).

Como podo anular/dar de baixa un anuncio que aínda non foi publicado?

Se o anuncio aínda non foi entregado no Rexistro da Deputación (presencial/telemático) poderá dar a baixa o mesmo tramitador. En caso contrario, a baixa ha de ser solicitada á Administración do BOP.

É oficial e auténtico o BOP en internet?

Si, a edición electrónica do Boletín Oficial da Provincia publicada na sede electrónica da Deputación Provincial da Coruña, a partir do 22 de xuño de 2009, ten carácter de oficial e auténtica, derivándose dela os efectos dispostos no título preliminar do Código civil e nas restantes normas aplicables. Con anterioridade a esta data, só tiña a consideración de oficial e auténtica a edición do BOP impresa en papel.

Como e desde cando se garante a autenticidade do BOP electrónico?

Para garantir a autenticidade, integridade e inalterabilidade do contido do BOP, a edición electrónica publicada incorpora sinatura dixital avanzada. Desde o 22 de xuño de 2009.

Como podo utilizar a sinatura dixital?

Para poder utilizar toda a funcionalidade que ofrece a aplicación a través da sinatura dixital (sinatura de anuncios), é necesario dispor dun certificado dixital da Fábrica Nacional de Moeda e Timbre ou do DNI electrónico. Para obter información da forma de obtención, usos e instalación pode visitar: http://www.dnielectronico.es/ e http://www.cert.fnmt.es/ .

Como validar a sinatura dixital do BOP en formato electrónico?

Para a validación da sinatura dixital requírese o Acrobat Reader. A versión 7.0 do Acrobat Reader fará a validación automaticamente. Para máis información recoméndase acceder á páxina oficial de Adobe http://www.adobe.com/es/ , introducindo no seu buscador "Validar sinatura".